'Nobeda Azadiyê' ku ji aliyê Înîsiyatîfa Azadî ji Abdullah Ocalan re di 25'ê Hezîrana 2012'an de ji bo azadiya fîzîkî ya Rêberê Gelê Kurd Abdullah Ocalan li bajarê Strasbourg ê Fransayê destpê kir, di hefteya 549'an de ye.

Nobedarên vê hefteyê aktîvîstên Tevgera Ciwanên Şoreşger Cabbar Cîgerxwîn, Hagî Têkoşer, Şînwar Amed û Mehmet Açikgoz in.

Cabbar Cîgerxwîn bi navê komê axivî, bal kişand ser komkujiya 23'ê Kanûnê ya li Parîsê û got, "Em ê hesabê vê komkujiyê teqez bipirsin. Em ciwan gelekî bi hêrs in, lê belê alîgirê tundiyê nînin. Em dixwazin ev komkujî bê ronîkirin û berpirsyar bêne darizandin."

Cîgerxwîn bi dewamî işaret bi tecrîdkirina Rêberê Gelê Kurd Abdullah Ocalan kir û got, "Nêzî 2 sal in em nikarin agahiyê ji Rêberê xwe werbigirin. Di serî de CPT em ji saziyên navneteweyî dixwazin ku bi erk û berpirsyariya xwe rabin, ji bo dawî li tecrîdê bînin tavilê bikevin nava liv û tevgerê. Rêberê me ji bo me xeta sor e, em dixwazin careke din vê rastiyê li bîra her kesî bixin."