Li bajarê Strasboûrg ê Fransayê, bi pêşengiya Tevgera Ciwanên Şoreşger û Jinên Ciwan ên Têkoşer bi armanca şermezarkirina êrîşên dagirkerî û qirkirinê yên dewleta Tirk a faşîst û şermezarkirina tecrîda girankirî ya li ser Rêberê Gelê Kurd Abdullah Ocalan çalakiyek hate lidarxistin.

Kurdistaniyên li ser banga TCŞ û TekoJIN’ê li ber navenda garê ya Strasboûrgê hatin ba hev û daxuyaniyek dan çapemeniyê. Çalakgeran alên Rêberê Gelê Kurd Abdullah Ocalan, PKK’ê û pankartên bi zimanê Kurdî û Fransî “Me bi ciwan dest pê kir em ê bi ciwanî bi ser bikevin“ û “Azadî ji Ocalan re“ hildan.

Çalakgeran anî ziman ku heta azadiya fîzikî ya Rêberê Gelê Kurd Abdullah Ocalan ew ê li qadan bin.

Di çalakiyê de timî dirûşmeyên “Bijî Serok APO”, Bê Serok jiyan nabe”, “Liberte Ocalan” û “Jin Jiyan Azadî” berz kirin.

Di çalakiyê de ji bo navê PKK’ê ji lîsteya rêxistinên terorîst were rakirin gelek îmze hatin komkirin.

Çalakî bi dirûşmeyan bi dawî bû.