Ji bo 3 Kurdên li Parîsê hatin qetilkirin, li bajarê Hîldesheîm ê Elmanyayê merasîma bîranînê hate lidarxistin.

Çalakî bi pêşengiya Navenda Civaka Demokratîk a  Kurd a Hîldesheîmê bi deqeyeke rêzgirtinê destpê kir. Di axaftinên li ser navê YJK, PYD û ADKM’ê de şehîdên Parîs, Roboskî, Mereş, Zap, Avaşîn û Metînayê hatin bibîranîn.

Li ser navê YJK’ê Hakîme Yousuf axivî û diyar kir ku ew li pey edaletê ne, ew ê ti carî dest ji vê dozê bernedin û wê berxwedanê mezin bikin.

Di çalakiyê de li sînevîzyona li ser jiyana aktivîstên Kurd ên hatin qetilkirin hate temaşekirin û dirûşmeya “Şehîd namirin” hate berzkirin.

Di dawiya bîranînê de kulîlk li quncika ku ji bo şehîdan hatibû amadekirin, hate danîn.