Li gorî amadekaran, li seranserê welêt 150 çalakî têne plankirin. Rayedar li bendê ne ku ji 5 heta 10 hezar kes beşdarî çalakiya li Parîsê bibin. Tê payin ku karmendên dewletê bi komên biçûk li ber wezaretan û kargehan kom bibin û ji saet 14:00 û pê ve tevlî meşa li Qada Bourseyê bibin.

Lê belê tê payin ku tevger tenê bandorê li qadên ragihandin û perwerdeyê bike. Ji ber ku sendîkayên CFDT û FO tevlî bangê nebûn, çalakî lawaz bû.

Sendîka dibêjin, budçe wê ji bo xebatkaran û xizmetên cemaweriyê bibe felaket. Bi taybetî kêmkirina personelên cemaweriyê bi 3 hezar kesî, zêdekirina mûafiyeta tibî bi du qatî, bisînorkirina destûra nexweşiyê bi 15 rojan, kêmkirina budçeya li malên lênihêrîna extiyaran, nexweşaneyan têne rexnekirin.