Li gorî agahiyan polîsan vê sibehê li Frankfûrtê girtine ser rojnameya Sabahê. Nûnerê Elmanyayê yê rojnameyê Îsmaîl Erel û Midûrê Nûçeyan Cemîl Albay jî destgîr kirin. 

Derbarê serdegirtinê polîs û dozgeriya Elmanyayê tu agahî nedan. Li gorî çavkaniyên li Frankfûrtê yên ku agahî dan ANF’ê, rojnameya Sabahê di demên dawîn de agahiyên taybet ên mûxalifên AKP û MHP’ê weşandiye.

Di serdegirtinê de komputer û telefon hatin destgîrkirin û sedema destgîrkirinê nehate eşkerekirin. 

Hate ragihandin ku her du kesên ku hatine destgîrkirin li Elmanyayê wekî xebatkarên MÎT’ê tevdigeriyan û bi rêyên derqanûnî agahiyên taybet ên mûxalifên rejîma Erdogan bi dest xistine.