Li Elmanyayê navê rêyekê kirin Leyla Şaylemez
Li bajarê Halle ya Elmanyayê jinên aktivîst li rêyekê navê şoreşgera jin a Kurd a li Parîsê hate qetilkirin Leyla Şaylemez lê kirin.
Aktivîstên jin ên li bajarê Halle ya dikeve rojhilatê Elmanyayê ji bo bîranîna Leyla Şaylemez a li gel şoreşgerên jin Sakîne Cansizî û Fîdan Dogan ên 9’ê Çileya 2013’an li Parîsê ji aliyê dewleta Tirk ve hatin qetilkirin, çalakiyeke kirin.
Aktivîstan ji ber 8’ê Adarê Roja Jinên Kedkar a Cîhanê navê (Rêya Schîmmel) Schîmmelstrabe a li navenda bajarê Halle ya malbata Şaylemez koçber bûyî û lê mezin bûbû, navê Leyla Şaylemez lê kirin.
