Li ser banga Meclîsa Jinan a Dest-Dan û Nav Berlînê Kurdistanî, piştevanên Tirk û enternasyonalîst li Alexanderplatzê hatin ba hev û xwestin tecrîda li ser Rêberê Gelê Kurd Abdullah Ocalan protesto bikin. Ji ber pêkanîn keyfî yên polîsan, çalakî nehat lidarxistin.

Hevserokê Nav Berlînê Erhan Firat û endamê meclîsa Nav Berlîn Îsmaîl Parmaksiz, li ser navê Komîteya Amadekar daxuyanî dan û anîn ziman ku tecrîda li ser Rêberê Gelê Kurd Abdullah Ocalan nayê qebûlkirin. Nûneran bi bîr xist ku tevî ku CPT’ê serdana Îmraliyê kiriye, lê raporek nedaye û dewletên Ewropayê têkildarî vê mijarê nakevin nav hewldanan. Nûneran destnîşan kir ku ew li Berlînê bi hişmendiyek a ku tehemûlê alên Rêberê Gelê Kurd nake, re rû bi rû ne.

Tevî ku çalakiya protestoyî nehat kirin, girseyê bi berzkirina dirûşmeyên “Bijî Serok Apo”, “Bê Serok jiyan nabe” û “Es lebe Ocalan”, li dijî pêkanînê keyfî berxwedan raber kir.

Polîsên Elman di dema belavbûna girseyê de, rojnamevanek ku çalakî dişopand, destgîr kir. Piştre rojnamevan hat berdan.