Li bajarên Bern û Zurîch ên Swîsreyê û li bajarên Berlîn, Hîldesheîm û Bodensee yên Elmanyayê Kurdistaniyan çalakî li dar xistin.

BERN

Bi banga Tevgera Ciwanên Şoreşger, Kurdistanî li paytexta Swîsre Bernê li Bahnhofplatzê li hev civiyan û heta ber bi stasyona trenê ya navendî ve meşiyan.

Çalakiya bêîteatiya sivîl piştî xwendina belavoka li ser grevên birçîbûnê û tecrîdkirina Ocalan, bi dawî bû.

ZURÎCH

Li bajarê Zurîhc ê Swîsreyê jî, Kurdistanî bi banga Meclîsa Jinan a Bêrîtan tevî dostên xwe li Bahnhofstrasseyê çalakiyek pêk anîn. 

Di çalakiyê de pankarta bi nivîsa "Parlamenterek, Leyla Guven li dijî tecrîdê di greva birçîbûnê ya bêdem û bêdorveger de ye" hate hildan û ji bo Ocalan û berxwedêrên greva birçîbûnê dirûşm hatin qîrîn. Çalakgeran her wiha li ser mijarê gelek belavok belav kirin.

BERLÎN

Li paytexta Elmanya Berlînê saziyên ji baweriyên cuda; Civaka Îslamî ya Kurdistanê (CÎK), Federasyona Êzidiyan (NAV-YEK) û Elewiyên ser bi Însiyatîfa Azadiyê ya Dersimê mîtîngek li dar xistin.

Bi pankart û dowîzan işaret bi berxwedêrên greva birçîbûnê hate kirin û li ser armanca çalakiyê belavok hatin belavkirin.

Qisekeran gotin, "Divê em bibin dengê xwişk û birayên xwe yên di greva birçîbûnê de ne û ti carî wan bi tenê nehêlin."

HÎLDESHEÎM

Li bajarê Hîldesheîm ê Elmanyayê jî bi banga Komuna Jinê ya Meryem li ber HBF'ê çalakiyeke protestoyî ya bêdeng hate lidarxistin.

BODENSEE

Kurdistaniyên li bajarê Bodensee yê Elmanyayê, li Bûchhornplatzê li hev civiyan û piştî dan berxwedêrên greva birçîbûnê.

Di çalakiyê de ku nûnerên Partiya Çep (Dîe Lînke) jî amade bûn, li navenda bajêr gelek belavok hatin belavkirin û li ser çalakiyên greva birçîbûnê agahî hatin dayin.

Çalakgeran bang li CPT kirin ku nebe hevparê sûc û tavilê bikeve nava liv û tevgerê. Çalakgeran dirûşma "Ne mirinê, em jiyanê dixwazin" qîriyan.