Bi sedan Kurdistaniyên li bajarê St. Polten ê Awûstûryayê di çalakiya Cejna Berxwedana Neteweyî de li hev kom bûn ku bi wesîleya salvegera 47'emîn a damezrandina PKK'ê hate lidarxistin. Çalakî bi dirûşma "Jiyana Komunal, Kurdistana Demokratîk" pêk hat û ji bajarên Viyana, Graz, Linz û Innsbruckê tevlîbûn çêbû.

Kurdistanî bi kincên xwe yên herêmî tevlî bûn.

Li dû deqeyeke rêzgirtinê ya ji bo bîranîna cangoriyan, nûnerên Meclîsa Jinê ya Avesta û DemKurdê li ser pêvajoyê nirxandin kirin. Nûneran xwestin, tecrîda li ser Rêber Apo bê rakirin û azadiya wî pêk were.

Di çalakiyê de Kawa Ûrmiye, Nûarîn, Hozan Comerd, Diyar Gerîla, Koma Dem û Koma Dengê Bêzar hunera xwe pêşkêş kirin.

Standên pirtûk û xwarinê yên li qada pîrozbahiyê hatin danîn gelekî bal işandin.

Di pîrozbahiyê de tim û tim dirûşmên "Bijî Serok Apo" û "Jin, Jiyan, Azadî" hatin qîrîn.