Hozanê gelê Kurd Beytocan îro li Goristana Strandkyrkogarden a Stockholmê hate veşartin.

Di serî de malbata Beytocan, hunermend û nivîskar gelek kes beşdarî merasîma cenaze bûn.

Merasîm bi deqeyeke rêzgirtinê ji bo bîranîna Beytocan û şehîdên têkoşîna azadiyê dest pê kir.

Di merasîma ku wêneyên Beytocan hatin hilgirtin de, li ser gora Beytocan kulîlk û ala Amedsporê hatin danîn.

Her wiha di merasîmê de gelek hunermend Xemgîn Bîrhat, Necmedîn Xulamî û Hesen Şerîf axaftinên kurt kirin û sersaxî ji gelê Kurd û hezkiriyên Beytocan re xwestin.

Di dawiya merasîmê de hunermendan strana Beytocan a bi navê 'Rinda Min' gotin.