Gerîlayên ARGK'ê yên di 3'ê Nîsana 1993'an de li Çiyayê Ganî yê navçeya Bazarcix a Mereşê şehîd bûn, li bajarê Zurîch ê Swîsreyê hatin bîranîn.

Di şexsê 11 gerîlayan de ku li gel Suleyman Şaşkara (Mahîr) û Huseyîn Matûr (Kendal) şehîd bûn, şehîdên têkoşîna azadiyê ya Kurdistanê hatin bîranîn.

Alî Matûr bi navê malbatê axivî û got, "Em şehîdên xwe bi bîr tînin û ji vê derê careke din soz didin ku xwedî têkoşîna wan derkevin."

Hevseroka Civaka Demokratîk a Kurd li Swîsreyê (CDK-S) Selma Surer û nûnerên saziyan li bîranînê axivîn. Bîranîn bi dirûşma "Şehîd namirin" bi dawî bû.