Dadgeha Îstînafê ya Îngiltereyê biryar da ku qedexekirina koma çalakvanên Filistînî Palestine Action qanûnî ye.

Dadgehê diyar kir ku biryara Wezareta Karên Hundirîn a ku komê xistiye nava rêxistinên terorîst, qanûnan binpê nekiriye.

'BIRYAR BI NÎQAŞ E LÊ QANÛNÎ YE'

Dadger Sue Carr ê ku biryar ragihand, qebûl kir ku qedexe û dabeşkirina Palestine Action wekî rêxistineke terorîst di nava raya giştî de rê li ber nîqaşeke cîdî vekiriye.

Carr îdia kir ku kom bi eşkereyî tundiya derqanûnî teşwîq dike û xebatên wê dişibin terorîzmê, bi vî rengî biryara hikûmetê mafdar dîtine.

ÇALAKVANAN BERTEK NÎŞAN DAN

Yek ji damezrînerên Palestine Action Huda Ammori piştî biryarê daxuyaniyek da diyar kir ku ew ê têkoşînê bidomînin.

Ammori xwest ku dawî li qanûnên dijî terorê yên li hemberî çalakvanan bînin.