Huseyîn Akmaz ê ku li Viyanayê jiyan dikir, 6’ê Tîrmehê xwîn rijiya ser mêjiyê wî û jiyana xwe ji dest da. Ji bo Akmaz merasîmek girseyî hate lidarxistin.Tevî malbata Akmaz, xizm û dostên wî, Hevserokê Federasyona Elewiyên Demokratîk a Ewropayê (FEDA) Demîr Çelîk û ji nûnerên FEDA’yê yên ji Elmanyayê Pîr Yuksel tevlî merasîma ku li Zentralfriedhof ê Viyanayê hate lidarxistin bûn.

Pîr Yuksel sersaxî ji bo malbata Akmaz xwest û bal kişand li ser têkoşîna Akmaz.

Hevserokê FEDA’yê Demîr Çelîk di merasîmê de axivî û wiha got: “Me pîrek xwe yê hêja winda kir. Ji ber xizmetên wî spasiyê dikin. Kedek mezin da ku baweriya Elewî di rêya heq û heqîqetê de veguheze nîfşên ciwan. Ez wî bi minetdarî û rêzekî mezin bi bîr tînim. Jiyaneke ku nabe nesîbê her kesî tijî tijî jiyan kir.”

Hevjîna Akmaz jî axaftineke kurt kir û wiha got: “Ez her tim bi hevserê xwe serbilind im. Bila cihê wî ronî be.”

Di merasîmê de gulbang hate xwendin.

Piştî ku cenazeyê Akmaz hate veşartin, li dergehê xwarin hat dayîn û helwa hat belavkirin.