Êrîşkarê 69 salî Wîllîa M. ê ku li Parîsê roja 23’ê Kanûnê bi çekê êrîşê Navenda Çanda Kurd û du kargehên Kurdan kir û di encamê de sê aktîvîstên Kurd qetil kir û sê jî birîndar kir, bi hinceta tenduristiyê birin klînîga psîkîyatriyê. Piştre dîsa hat destgîrkirin.

Di klînîka girêdayî emniyetê de biryar hat dayîn ku kujer bê destgîrkirin û ji saet 16.25’an şûn ve, dîsa hat destgîrkirin.

Kujer Wîllîam M. êrîşê Navenda Çanda Kurd, restoranek Kurdan û salonek kuaforê ya Kurdan kiribû. Piştî kujer bi çeka xwe ve hat girtin, hat destgîrkirin.

Dozgeriya Parîsê piştî komkujiyê rojekê; roja 24’ê Kanûnê biryara destgîrkirinê ya derbarê kujer de rakiribû. Dozgeriyê rewşa tenduristiyê ya kujer hincet nîşan da û ragihandibû ku êrîşar birine Nexweşxaneya Midûriyeta Emniyeta Parîsê. Hat gotin ku îro piştî nîvro bijîjkê ku êrîşkar mûayene kir, diyar kiribû ku rewşa tenduristiyê ne li gorî tedbîra destgîrkirinê ye.