Endamên Komîteya Defend Kurdistan a Viyanayê, îro çû serdana navenda partiya Keskan a li Viyanayê û bang kir ku polîtîkaya xwe ya derve ya têkildarê şerê Tirk ê li Kurdistanê biguhêre.

Partiya Keskan li parlamentoyê pêşniyaznameyeke ji bo şermezarkirina binpêkirina hiqûqa navneteweyî ya Tirkiyeyê red kir û bi şûn de Înîsiyatîfê çalakî li dar xist. Berdevkê Înîsiyatîfê Sogomon Tehlîrîan got: “Bi redkirina serlêdanê, Kesk xwe dikin taşeronê rejîma Tirk.“

Tehrlîrîan bi domdarî wiha axivî: “Çi bû bi nirxên berê yên Keskan? Ew ê niha çi bibe bi mafên mirovan? Em ji bo nirxên qaşo yên Keskan bi bîra wan bixin li vir in, daxwaza me ew e ku berê xwe biguhêrin. Bila bibînin ku yên siyaseta ku ew dikin ji nêz ve dişopînin hene.“