TJK-F û CDK-F têkildarê pîrozbahiyên Newrozê yên ku wê di navbera 19-21’ê Adarê li 7 navendên Fransayê bên lidarxistin daxuyaniyek dan û gotin, “Em reng, coş û ruhê têkoşîna xwe veguhazînin Newrozê, wê Newrozê bikin Newroza azadiya Rêber Apo.”
Tevgera Jinên Kurd a Fransa (TJK-F) û Konseya Kurd a Demokratîk a Fransa (CDK- F) bi daxuyaniyekê bernameya Newrozê ya ku wê li gelek navendên Fransayê bên lidarxistin, diyar kirin ku wê îsal agirê Newrozê li dijî bêedaletî, newekheviyê, komkujî, dagirkerî û şer û qirkirinê pêxin.
Daxuyaniya hevpar a TJK-F û CDK-F wiha ye:
“Em îsal Newroza xwe bi dirûşmeya ‘Niha dema serketinê ye’ li dar dixin. Ji Kawayê Şoreşger Mezlûm’an, ji Zekiye û Rehşan heta bi Ronahî-Bêrîvanan, di şexsê şehîdên azadiyê û têkoşîna wan de agirê Newrozê tu carî nehatiye vemirandin. Em ê îsal agirê Newrozê li dijî neheqî, newekhevî, komkujî, dagirkerî û şer û qirkirinê pêxin.
Weke Tevgera Jinên Kurd a Fransa û Konseya Kurd a Demokratîk a Fransa em ê coş û kelecana têkoşînê bînin Newrozê. Em ê dîsa bi rengên xwe, bi dirûşmeya ‘Dem dema serketinê ye’ û bi dirûşmeyên xwe li qadan bin. Ji bo ku di zûtirîn dem de tecrîda li ser Rêber Apo bi dawî bibe, ji bo ku hemû girtiyên nexweş bi taybet Aysel Tûglûk bigihêjin azadiya xwe ya bêmerc û bê hêcet; her wiha li dijî qirkirina jin û xwezayê, em ê ji bo gotina na ji şerê desthilatdariyê ya welatên kapîtalîst dengê xwe bilind bikin.
Newroz vejîn û kelecana gelan e. Newroz kombûna hemû reng, yekîtî û biryardariya têkoşînê ye. Newroz evîna me ya azadiyê û agirê azadiyê ye ku tu carî venamire. Em bang li hemû gelê xwe dikin ku li qadên Newrozê li dijî dagirkeran li dora agirê azadiyê bicivin.
Werin em meşa azadiyê ya 8'ê Adarê bi Newrozê tacîdar bikin, reng, coş û ruhê xwe yê têkoşînê bigihînin Newrozê û vê Newrozê bikin Newroza azadiya Rêber Apo...”
FRANCE NEWROZ EVENT PROGRAM
PARÎS
Dîrok: Yekşem, 20’ê Adarê
Saet di 12:00’an de meş
Pîrozbahî saet di 14:00’an de
Navnîşan: Place de la Stalîngrad
RENNES
Dîrok: Yekşem, 20’ê Adarê
Dem: 12:00
Navnîşan: Parc des Gayeûlles, Rûe dû Professeûr Maûrîce Aûdîn
STRASBOÛRG
Dîrok: Şemî, 19’ê Adarê
Dem: 15:00
Navnîşan: 7 Rûe Prîncîpale, 67350 Ettendorf
MARSÎLYA
Dîrok: Yekşem, 20’ê Adarê
Dem: 13:00
Navnîşan: Parc de la Ravel, 13013 Marseîlle
BORDEAÛX
Dîrok: Yekşem, 20’ê Adarê
Dem: 14:00
Navnîşan: Salle Marînîere Merîgnac
DRAGÛÎGNAN
Dîrok: Şemî, 19’ê Adarê
Dem: 13:00
Navnîşan: 1718 Rûe des Combattants d’Afrîqûe dû Nord, 83600 Frejûs
MONTPELLÎER:
Dirok: Yekşem, 20’ê Adare
Dem: 14:00
Navnîşan: Salon dû Belvedere, le Corûm
