Xoşnav Ata yê ku biraziyê wî Gulperîn Ata û Mihrîban Ata di êrîşên kîmyewî yên dewleta Tirk de hatibû qetilkirin,95 roj in li pêşiya Rêxistina Qedexekirina Çekên Kîmyewî (OPCW) a li bajarê Den Haagê ya Hollandayê di çalakiyê de ye. Îro jî şandeya KOMAW’ê serdana çalakiya Ata kir.

Di serdana çalakiyê de Xoşnav Ata xêrhatina şandeyê kir û got ku ew ji serdanên wiha biqîmet hêzê distîne. Xosnav Ata diyar kir ku heta bikaranîna çekên kîmyewî li Kurdistanê were lêkolînkirin, ew ê di nobeta xwe de israr bike. Ata banga hestiyarê li raya giştî kir.