Kurd û dostên wan, li dijî êrîşên li ser Rojava, heft roj in li ber Parlamenta Federal a Swîsreyê nobetê digirin.

Çalakvanên ku tevî hewaya sar û baranê nobeta xwe didomînin, diyar kirin ku heta êrîş rawestin dê çalakiya xwe dewam bikin û ji bo Rojava daxwaza statuyê kirin.

Çalakî ji hêla Komeleya Çandî ya Kurd a Bernê ve tê organîzekirin û bi piranî jin pêşengiya çalakiya nobetê dikin.

Qada çalakiyê bûye cihê civînê ku rojane çalakî lê têne lidar xistin û belavok têne belavkirin. Gelek nûnerên ji partiyên siyasî yên cûda yên li Parlamenta Swîsreyê jî serdana çalakvanan kirine da ku piştgiriya xwe nîşan bidin.

Tevî serma û baranê jî, çalakvan nobeta xwe didomîinin û li hember sermê xwe li betaniyan dipêçin.

Çalakvanan diyar dikin ku ew ê nobetê heta ku êrîş bi dawî bibin bidomînin û ji bo Rojava statuyê dixwazin.