Fermandariya Giştî ya Yekîneyên Parastina Gel (YPG) derbarê êrîşên komêm çekdar li dijî gundên Efrîn, dorpêçkirina Efrîn ji aliyê van koman  ve û êrîşa yekîneyên Artêşa Tirk li dijî gundê Mele Xelîl a Cindêrisê daxuyaniyek nivskî weşand. Di daxuyaniyê de hate diyarkirin ku komên çekdar ên Artêşa Azad bi armanca şikandina vîn û îradeya gelê kurdan di 25᾿ê gulanê de êrîşî Efrîn kirin. Artêşa Tirk bi armanca piştgirtiya wan êrîşî gundê Efrîn kir û bi berxwedan şervanên YPG᾿ê neçar man paşvegerin.

Di daxuyaniyê de hate destnîşan kirin ku YPG᾿ê û şêniyên Efrînê bi hemû pêkhateyên wê berxwedaneke bê hempa dijî van êrîşan nîşan dan û wiha hate gotin: ᾿̓ Destpêka bûyeran, komên çekdar êrîşî yekîneyên me li gundên Aqînê, Basilê û Zaratê kirin. Di 10᾿ê hizêranê de jî van koman êrîşên xwe fereh kirin û berê çekên xwe dan gundê Mereskê û Kefer Mezê. Di encama bersivdayîne şervanên  me de pevçûn rû dan û êrîş vala hatin derxistin.

Di berdewama daxuyaniyê de encam pevçnan hate diyarkirin û wiha hate gotin: ᾿̓ De encama bersivdayîna êrîşan de şervanên me çalakiyek pêk anîn û di encamê de pêşketinek meydanî bidestxistin. Gundên Kefer Mezê ji destê komên çekdar hate rizgar kirin, şevê din di saetên dawî de jî komên çete careke din êrîş kirin û xwe di gund de bi cih kirin, lê di encama bersivdayîna şervanên me de pevçûn 2 saetan dom kirin, di ecamê de komên çekdar ji gund xwe paşve kişandin.᾿̓

Di daxuyaniya fermadariya giştî ya YPG᾿ê de hate gotin ku di pevçûnên 3 rojan de gelek çekdar hatin kuştin û gelek birîndarên wan jî hene, her wiha avahiyek ku bibû navenda komên çekdar û wesayîteke doşka li ser hatin rûxandin. Di daxuyaniyê hate bibîrxistin ku di van pevçûnan de 3 şervanên YPG᾿ê jiyana xwe jidest dane.

Fermandariya Giştî ya YPG᾿ê di daxuyaniya xwe de destnîşan kir ku duh êvarê  yekîneyên Artêşa Tirk bi armanca piştgirtiya komên çekdar êrîşî gundê Mele Xelîl a Cidêrisa Efrînê ku li ser sînor ê bakur û rojavayê Kurdistanê dikeve û di encama bersivdayîna şervanên YPG᾿ê  de, Yekîneyên Artêşa Tirk neçar man xwe paşve bikşînin û hate gotin: ᾿̓ Tu niyeta me ku em êrîşî sînorê Tirkiyêû Artêşa Tirk bikin tune ye,  em bang li Artêşa Tikr dikin da ku bi tu awayî nêzî herêmên me ne bin.᾿̓

Di dawiya daxuyaniyê de hate gotin: ᾿̓Em wek YPG᾿ê soz didin  gel û Şehîdên xwe ku em ê li ser xeta şehîdan bimeşin, rê nedin komên diz ku têkevin herêmên rojavayê Kuristanê  û em ê herêmê bi temamî ji wan paqij bikin.᾿̓