Macron ê 38 salî, ku di meha Tebaxê de ji Wezareta Aboriyê îstifa kir, tevî tevgera 'En Marche/Meş', ku beriya niha aa kiribû, xwe ji bo hilbijartina serokkomariyê ya sala 2017'an amade dike.

Macron ku weke wezîrê 'li aliyê rast û yê herî lîberal' ê hikûmeta Partiya Sosyalîst (PS) tê naskirin, ku ne endamê PS ye, duh bi şev li Parîsê bi tevlîbûna hezaran kesî mîtîngek lidar xist. Mîtîng li Porte de Versaîllesê pêk hat û li gorî tîma Macron 15 hezar kes tevlî bûn.

Macron ê ji sektora fînansê tê û ji ber ku di dema wezaretiya xwe de giranî da ser helwesta lîberal, ji aliyê çepgiran e bi tundî hate rexnekirin. Macron tevlî pêşhilbijartina PS a meha Çileyê nabe.

Macron di axaftina xwe ya mîtîngê de xuya ye rexneyên li wî hatin kirin li ber çavan girtiye û got, ew ê girîngiyê bide 'diyaloga civakî'. Macron diyar kir, pêkanîn xebata 35 saetan a heftane, ku heta roja îro digot wê rake, ji niha û pê ve jî wê bidomîne. Macron da zanîn, dema xebatê dikare bi muzakereyên navbera şîrketan û sendîkayan bê diyarkirin.