Li gorî daxuyaniya ji Qesra Spî hate kirin, biryarname wê erkê bide Pentagonê û Wezîrê Parastinê Pete Hegseth ku di nivîsên fermî û ragihandina raya giştî de navê nû bi kar bînin.

Tê gotin, ev navê ku Trump demeke dirêj e dixwaze bibe sedema lêçûna bi sedan milyon dolarî. Wezîr Hegseth her wiha ji bo guhertin mayinde bibe wê sererastkirinên îdarî û qanûnî yên pêwîst ji Kongreyê re pêşniyar bike.

Saziya ku heta sala 1949'an li DYE'yê navê 'Wezareta Şer' bi kar dianî, Kongreyê wê demê nav guhertibû û kiribû 'Wezareta Parastinê'. Li gorî dîroknasan ev guhertin ji bo wê yekê hatibû kirin ku îradeya dûrketina DYE ya ji şer nîşan bide.