Wezîrê Parastina DYE’yê Pete Hegseth roja Pêncşemê di forûmeke standina leşkeran a li Pentagonê de axivî.

Şefê Pentagonê da zanîn ku îsal ji bo tevlîbûna artêşa Emerîkayê gelek serlêdan hene û destpêkeke erênî kir.

Pete Hegseth diyar kir ku gelek ciwanên Emerîkî ji bo ku beşdarî artêşê bibin yan gelekî qelew in yan jî ehmeq in û got: ‘’Ez dizanim ku peydakirina hêmanên sereke ne hêsan e.’’

Hegseth piştre got ku ‘ne ehmeq, ev şaş e’ û ev yek anîn ziman: ‘’Lê belê hûn dizanin ku perwerdeyeke baş nestandine, qeydiya wan sabiqayê heye yan jî ezebkêşên nexweşiya ADHD’yê  ‘’Attenion Deficit Hyperactivity Dicosder’’ ( Nexweşiya nebaldarbûn û xirabûna hîperaktîvîteyê) ne.’’

Piştî van gotinan Hegseth spasiyên xwe li erkdarên amade yên standina leşkeran kir. 

Hegseth bang kir ku pîşeya leşkeriyê cazibtir bikin û leşkeran weke zarokên xwe bibînin û got: ‘’Baş e ku hûn van hêmanan hemûyan ji holê radikin.’’

Cara yekem e ku Hegseth rewşa fîzîkî ya leşkeran rexne dike. Wezîrê berbehs di meha Îlonê de gazindên xwe kiribûn ku hejmara ‘’leşkerên obez’’ û ‘’generalên obez’’ gelekî zêde ye. Hegseth diyar kir ku divê vegerin ser ‘’stanadartên mêraniyê yên herî astbilind’’ û bi gotina ‘’Ji ber ku ev pîşe meseleyeke mirin û jiyînê ye’’ sedema wê nîşan dabû.