Şandeyeke 20 kesî ya endamên Federasyona Yekitiya Elewiyên Almanyayê (AABF) hate serdana Şaredariya Bajarê Mezin a Amedê.

Serokê 2'yem ê AABF’ê Azîz Aslandemîr û şandeya pê re li Şaredariya Mezin a Amedê ji aliyê Rawêjkarê Şaredar Îlhan Dîken û Sekreterê Giştî Fahrettin Çagdaş ve hatin pêşwazîkirin. Azîz Aslandemîr li ser navê şandeyê axivî û da zanîn ku mebesta wan ew e ku komên baweriyê yên li Tirkiyeyê bi taybetî yên li Amedê li cih de bibînin û destnîşan kirin ku ji berk u Şaredariya Bajarê Mezin a Amedê li bajêr cemxane ava kiriye, ew pir kêfxweş bûne. Rawêjkar Îlhan Dîken jî li ser pêvajoyê bi mêvanan re danûstandina hizrî pêk anî û got ku ew qonaxa pêvajoyê tê de ye pir girîng dinirxînin. Dîken, bal kişand ku a herî girîng ew e ku 90 roj e ne li rojava ne jî li rojhilat ji ber şer û pêkdadanan ti dayikan rondik nerijandiye û weha got, “Tişta divê em pê xweş bin ew e ku tu kes nemiriye û agir bi mala tu kesî neketiye û cenaze bi ser çi xanan de nehatine.”