M. Şerîf Sakli yê par li navçeya Bûrsa Mûdanyayê bi armanca şermezarkirina tecrîda li ser Rêberê Gelê Kurd Abdullah Ocalan û zextên li ser gelê Kurd, bedena xwe da ber agir û jiyana xwe ji dest da, li Bûrsayê hat bîranîn.

Bi sedan kesên li avahiya BDP'ê ya navçeya Yildirimê hatin cem hev, bi meşaleyan heta meydana Yavûz Selîm meşiyan û dûre li ber avahiyê daxuyaniyek dan çapemeniyê.

Daxuyaniya çapemeniyê ji aliyê xuşka Sakli Kader Sakli ve hat dayîn û hat destnîşankirin ku Sakli li dijî zilma dewletê bedena xwe daye ber agir û xemsariya li hemberî tecrîdê şermezar kiriye.

Kader Sakli diyar kir ku birayê wê Mehmet Şerîf yek ji neferên di rêya Ocalan de dimeşe ye û got, "Mehmet Şerîf, li gel cesaretê, jiyaneke bi rûmet û durust nîşanî me daye."

Li dû daxuyaniya çapemeniyê ya li ber avahiya navçeyê, girseya gel bi meşaleyan meşiya û dawî li çalakiya xwe anî.