Di hilbijartinên roja Pêncşemê yên li Brîtanyayê de rewşeke nû rû da. Ji bo Serokatiya Şaredariya Londonê yekemcar Misilmanek hat hilbijartin.

Namzetê Partiya Karker (Labour) parêzer Sadiq Khan ji sedî 44,2 ê dengên tercîda yekemîn wergirt. Namzetê Partiya Mûxafazakar a li desthilatdariyê (Tories) karsaz Zac Goldsmith ji sedî 35 ê dengan stend.

Ji ber ku ku rêjeya dengên tercîha tûra destpêkê di binê rêjeya ji sedî 50 de ma, dengên tercîha duyemîn ên ji namzetên din ên li derveyî Khan û Goldsmith ve hatin dayîn, hatin jimartin. Sadiq Khan ji sedî 65 ê dengên tercîha duyemîn a ji namzetên din re hatin dayîn wergirt û dengê xwe gihand rêjeya ji sedî 56,8.

Khan bi qasî 1 mîlyon 310 dengên tercîhê, Goldsmith jî 994 hezar dengên tercîhê wergirtin.

Sadiq Khan ê ji malbateke Pakîstanê ye, bi salan parêzerî kir û tevlî gelek dozên mafên mirovan bû.

Hilbijartina Khan weke Misilmanekî ji bo Serokatiya Şaredariya Londonê, kêm be jî şoqa kêmbûna dengên Partiya Karker ên li Skoçya û Îngilîstanê ji holê rakir.

Di hilbijartinên parlamenta herêmî de jî li Skoçyayê Partiya Neteweyî ya Skoçyayê (SNP) a alîgirê serxwebûnê, li Gallerê Partiya Karker û li Bakurê Îrlandayê jî Partiya Yekîtiya Demokratîk (DUP) a alîgirê Brîtanyayê bi ser ketibûn.