Li gorî daxuyaniya Kremlinê, Serfermandarê Giştî Valeri Gerasimov şeva yekşemê ji Pûtîn re ragihand ku Pokrovsk (bi navê Rûsî Krasnoarmeisk) û Vovçansk hatine ‘rizgarkirin’.

Wezareta Parastinê ya Rûsyayê jî dîmenek weşand ku îdîa dike leşkerên Rûs li qada navendî ya Pokrovsk al danîne.

Ev geşedanên leşkerî, di dema hevdîtinên Ûkrayna û DYE’yê yên ji bo bidawîkirina şer de, qewimîn. Yek ji sernavên mijara herî bi nîqaş, statuya herêmên ku ji aliyê Rûsyayê ve hatine dagirkirin e. Tê payîn ku nûnerê taybet ê DYE’yê Steve Witkoff roja sêşemê li Moskowê bi Vladimir Pûtîn re li ser vê planê hevdîtinê bike.