Berdevka Wezareta Karên Derve ya Rûsyayê da xuyakirin, ku têkiliyên navbera Enqere û Moskowayê ne yên sererastkirinê ne û diyar kir, Tirkiyeyê balafira Rûsyayê bi zanebûn xist.
Berdevka Wezareta Karên Derve ya Rûsyayê Mariya Zaharova destnîşan kir, ku xuya ye têkiliyên navbera Moskowayê û hikûmeta Tirk wê sererast nebin.
Li gorî nûçeya ajansa TASS, Zaharova da xuyakirin, ku Tirkiyeyê bi zanebûn balafira Rûsyayê xistiye xwarê û got, "Wan mirovan zanîbûn bê çi dikin. Weke ku em gelekî baş dizanin, ev yek tercîheke bi zanebûn bû. Keleha ji kaxizan a rayedarên Tirk biryar da di têkiliyên navneteweyî de ava bike, hildiweşe."
