Li bazarên navneteweyî dolarê Amerîka bi qîmet dibe. Kêmbûna buhayê petrolê jî balê dikişîne. Petrola xam a Amerîka WTI, buhayê xwe yê firotinê di Borsa Bazirganiyê ya New Yorkê (NYMEX) de daket asta herî nizm a 6,5 salên dawî.

Buhayê WTI di NYMEX'ê de 1,32 dolar kêm bû û daket 40 dolarî. Ev yek, ji 25'ê Sibata 2009'an û vir ve asta herî nizm e.

Buhayê petrola Brent a ji Derya Bakur tê derxistin di Borsa navbera parzemînan a li Londonê (ICE) de 1,46 kêm bû û daket 45 dolar 16 centî.

Buhayê herî zêde ê petrolê, ku çavkaniya bingehîn a debara welatên Rojhilata Navîn, Rûsya û Venezûelayê ye, di havîna 2008'an de derketibû holê. Di wê demê de buhayê petrolê 140 dolar derbas kiribû. Bi krîzê re kêmbûneke dijwar xwe lê da der û di Sibata 2009'an de daket heta binê asta 35 dolaran.

Kêmbûna buhayê petrolê, weke sedema bingehîn a krîza aboriyê ya li Rûsyayê tê dîtin.