Serokê berê yê Misrê Husnu Mubarek, ji ber bûyereke nelirêtiyê ji nû ve tê darizandin.

Serokê berê yê Misrê Husnu Mubarek û du kurên wî, ji ber dahata gelemperiyê ji bo restorekirina xaniyê xwe bikar anîne, li pêşberî dadgehê ne. Doz îro li paytexta Misrê Kahîreyê destpê kir.

Husnu Mubarek ê 86 salî ku niha li nexweşxaneyeke dewletê tedawî dibîne, berî niha jî ji dosyayeke nelirêtiyê hatibû darizandin û 3 sal ceza lê hatibû birîn. Her du kurên wî jî ji heman dosyayê hatibûn darizandin û li her yekî 4 sal ceza hatibû birîn.

Di meha Çile de cezayê wan hatibû betalkirin. Betalkirina ceza ji bo ji nû ve darizandina Mubarek û kurên wî rê vekiribû.

Televîzyona Misrê dîmenên rûniştina dozê ya li saloneke akademiya polîsan pêk tê weşand. Di rûniştinê de Mubarek û kurên wî di kefesekê de bûn. Doz taloqî 29’ê Nîsanê hat kirin.