Li Yewnanîstanê komîteya Ciwanên Kurd ji bo nirxandina rewşa dawî Rojavayê Kurdistan û êrîşên li ser gelê Kurd civînek lidar xist. Civîn ji aliyê Komîteya Ciwanên Kurd ya girdayî Meclîsa Gel ya li Yûnanîstanê hate organîze kirin. Di civînê de Hozan Ciwan derbarê rewşê dawî de axaftinek kir û dazanîn bi salane li dijî gelê Kurd siyaseta bişaftinê hatiye meşandin û wiha got “Dijminê Kurdan her dem hewl dide ku siyaset tirkbûn û erebbûnê li dijî Kurdan dimeşîne.”

Ciwanên Kurd yê li Yewnanîstanê bi însiyatîfa  Komîteya Ciwanên Kurd ya girêdayî Meclîsa Gel li Yewnenîstanê, li kampa Laviyo  ji bo nirxandina geşedanên dawî li Kurdistanê û Rojavayê Kurdistanê her wiha rewşa siyasî li Yewnenîstanê û Ewropa ciwanên Kurd civînek lidar xistin. Civîn bi deqeyeke rêzgirtin ji bo cangoriyên Kurdistan dest pê kir û endamê komîteya Ciwanên Kurd Hozan Ciwan di derbarê rewşa ciwanan de axivî û got: “Dijminê Kurdan her dem hewl dide ku siyaset tirkbûn û erebbûnê li dijî Kurdan bimeşîne. Lê tevî hewldanên wan nikarin vîna ciwanên Kurd ên ku ji bo mafê gelê xwe dixebitin, bişkînin.”

Ciwan, bal kişand ser êrîşên komên çekdar li ser Rojavayê Kurdistanê û got: “Êrîş li ser Rojava ji bo desthilatdariyê ji aliyê hêzên dijminê mafê gelê Kurd li Sûriyê û Rojava, didomin.”

Di civînê de berpirsiyara Komîteya Ciwanên Kurd li Yewnenîstanê Nûşîn Bako di derbarê rewşa siyasî li Yewnenîstanê û Ewropa de bi giştî axivî û bal kişand ser rewşa Rêberê Gelê Kurd Abdulah Ocalan û pêvajoya aştiyê ya ku dest pê kiriye. Bako li ser pêwîstiya kampaniya berhevkirina kampanya îmzeyan ji bo azadiya Rêberê Gelê Kurd Abdullah Ocalan axivî û dazanîn azadiya Rêber Ocalan azadiya gelê Kurd e. Bako, êrîşên li ser gelê me li Rojavayê Kurdistan û bi taybet li herêma Efrînê şermezar kir.

Civîn bi dûrişmeyên ji bo azadiya Rêberê Gelê Kurd Abdulah Ocalan û berxwedana Yekîneyên Parastina Gel (YPG) li Rojavayê Kurdistanê, bi dawî bû.