BDP'a Rihayê ji bo Azadiya Rêberê Gelê Kurd Abdullah Ocalan meşek pêk anî. Bi sedan kesên tevlî meşê bûn, pankarta "Hikûmet gavan biavêje" vekir û daxwaza azadiya Ocalan kirin.

BDP'a Rihayê bi boneya Azadiya Rêberê Gele Kurd  Abdullah Ocalan û di çarçoveya kampanyaya "Hikumet gavan biavêje" de meşek girseyî pêk anî. Bi sedan kesên di nav de endam û rêveberên BDP'ê Şaredarên BDP'î, nûnerên KESK'ê, ÎHD'ê jî hebûn, li Qada Topçu kom bûn û heta Kargeriya Karakoyunê ya li pêş avahiya BDP'ê meşiyan. Di meşê de pankarta "Ji bo jiyanek bi rûmet gavekê tu jî bavê" vekir û dowîzên "Her der Licê her der berxwedan" bilind kirin. Girseyê di meşê de bê navber sloganên "Bijî Serok Apo" û "Bi can bi xwin em te re ne ey Serok", "Riha dê ji bo faşîstan bibe goristan" û "Ocalan ez heyran" qîr kirin.

Piştî meşê Hevseroka BDP'ê Leyla Akça diyar kir ku, polîsan hemû meş bi kamereyan kişand û wiha got: "Sed salin li ser gelê Kurd zext û zor heye. Azadî, demokrasî, aştî û wekhevî sedema têkoşîna me ye. Heta ku daxwazên gelê Kurd ên demokratîk pêk bê em ê bixwazin hikûmet gavan bavêje. Akça diyar kir ku, daxwaza gelê Kurd azadiya Rêberê Gelê Kurd Abdullah Ocalan, azadiya girtiyên siyasî rawestîna qereqol û bendavan, dawîlêhatina tevgera leşkerî ye. Kurd dixwazin êdî ekolojî wêran nebe. Kurd dixwazin zagonên dij-zagonî bi dawî bibin. Dixwazin bendava hilbijartinê rabe û faîlên windayan bên darizandin û cezakirin. Akça kuştina Medenî Yildirim jî şermezar kir û xwest kujer bên darizandin.