Di çalakiya "Fete de l'Humanite" ya Partiya Komunîst a Fransayê li bajarê Norbonê lidar xist de, di çarçoveya kampanya ji Ocalan re azadî de îmze hatin berhevkirin.

Partiya Komunîst a Fransayê li bajarê Norbonê di navbera 7-9'ê Gulanê de çalakiya "Fete de L'Humanite" lidar xist. Partiyên çepgir û rêxistinên civakî yên sivîl jî bi konên xwe tevlî çalakiyê bûn û pirsgirêkên netewî navnetewî yên civakî, çandî û siyasî hatin nirxandin.

Di çalakiyê de Mala Kurdan a li bajarê Montperllierê jî amade bû. Mala Kurdan bi dirûşma "Ji Ocalan re Azadî ji gelê Kurd re statuya siyasî" konek veda û ji bo azadiya Rêberê Gelê Kurd Abdullah Ocalan îmze berhev kir.

Li kon her weha wêneyên sê siyasetmedarên jin ên Kurd li Parîsê hatin kuştin Sakîne Cansiz, Fîdan Dogan û Leyla Şaylemez hatin daliqandin û dowîzên bi daxwaza eşkerekirina berpirsyaran hatin vekirin.

JI KONÊ KURDAN RE PÊWENDÎ

Konfederasyona Kar a Giştî (CGT) ku sendîkaya herî mezin a Fransayê ye, Serokê wê yê beê Bernand Thibaûlt çû serdana konê Mala Kurdan û mora xwe avêt binê kampanya azadî ji bo Ocalan.

Di vê çarçoveyê de bi sedan îmze hatin berhevkirin û beşdaran li ber daholê govend gerandin. Meclîsa gel a Montpellierê da xuyakirin ku wan heta niha nêzî 10 hezar îmze berhev kirine û wê çalakiyên xwe dewam bikin.