Li dijî wargehên ku ji bo penaberên li Îtalyayê her diçe hejmara wan zêde dibin, tên amadekirin, ji aliyê şêniyên derdorê ve çalakî pêk hatin û di çalakiyan de pevçûnan rû da. Di bûyeran de gelek komên neofaşîst jî cih girt.
Li dijî wargehên ku ji bo penaberên li Îtalyayê her diçe hejmara wan zêde dibin, tên amadekirin, ji aliyê şêniyên derdorê ve çalakî pêk hatin û di çalakiyan de pevçûnan rû da. Di bûyeran de gelek komên neofaşîst jî cih girt.
Li dijî wargehên ku ji bo penaberan tên çêkirin, di serî de li Romayê û gelek bajarên din çalakiyên protestoyî pêk hatin. Yên beşdarî çalakiyan bûn, cadeya ku dibistana ji bo penaberan dikin wargeh lê ye, li trafîkê girtin.
Çalakgeran bi kevir û kursiyan êrîşî polîsan kirin. Di bûyeran de polîsek birîndar bû. Her wiha beşdarbûna komên neofaşîst, bal kişandin.
Şeva Pêncşemê li bajaroka Quînto di Trevîso a li bakurê Venedîkê, li dijî avahiyekê êrîş pêk hatibû. Li gorî agahiyên çapemeniya herêmî girtine, komên neo-faşîst ketine avahiya ku ji bo penaberan hatiye amadeirin û hemû alavên di hundir de dane ber agir.
Li Îtalyayê di sala 2012’an de hejmara penaberan bû 13 hezar û di 2014’an de jî bû 170 hezar. Ji serê vê salê ve jî hejmara penaberên hatine Îtalyayê 82 hezar derbas kirine.
