Xwepêşandanên ku 29'ê Tebaxê destpê kirin, piştî ku kûryeyê bi motorsîklet Affan Kurniawan bi wesayita zirxî ya polîsan hate kuştin, jinûve mezin bûn.

Xwepêşandêr mûçeyê kêm, barê giran ê bacê û îmtiyaza mezin a ji bo parlamenter û rayedarên dewletê tê kirin, şermezar dikin.

MÛÇEYÊ PARLAMENTERAN SEDEMA BINGEHÎN A ŞERMEZARKIRINÊ YE

Sedema bingehîn a nerazîbûnan jî alîkariya xanî ya 3 hezar dolar a mehane ye ku ji bo 580 parlamenteran re tê dayin. Ev rêje bi qasî deh qatî ji mûçeyê kêmtirîn ê li Cakartayê zêdetir e.

Li Cakartayê polîsan ji bo belavkirina girseya gel ava şid û bombeya gazê bi kar anîn; xwepêşandêran jî bi kevir, şûşe û fîşekên hewayî bersiv dan. Hin koman jî hewl dan biavêjin ser navenda polîsan.

Li bajarên Surabaya, Solo, Yogyakarta, Medan, Makassar, Manado, Bandung û Manokwari yê li Papuayê şer qewimî.

Li rojhilatê Endonezyayê avahiyeke fermî hate şewitandin û di encamê de herî kêm 3 kesan jiyana xwe ji dest dan.

Meha Sibatê jî çalakiyên şermezarkirinê yên bi heman rengî rû dabûn û kêmkirina budçeya ji 19 milyar dolarî ya li qadên krîtîk, ku perwerde jî di nav de bû, bûbû sedema hêrsa gel.