Li Efganîstanê dîsa erd hejiya
Rojhilatê Efganistanê careke din bi erdhejê hejiya. Navenda Lêkolînên Jeolojîk a Dewletên Yekbûyî yên Amerîkayê (USGS) ragihand ku roja Sêşemê 2’yê Îlonê erdhejeke bi mezinahiya 5,2 li parêzgeha Nangarharê qewimî ye.
Hate ragihandin ku navenda erdhejê 34 kîlometre bakûrê rojhilatê bajarê Celalabadê û di kûrahiya 10 kîlometran de pêk hatî ye.
Hejîn piştî erdheja mezin a du roj berê li parêzgehên li ser sînorê Pakîstanê qewimî û zêdetirî 1.400 kesan jiyana xwe ji dest dan, pêk hat.
Lê rayedarên herêmê derbarê zirar û windahiyên jiyanî ên di erdheja nû de hîn agahiyên zelal parve nekirin e.
