Li gel tevgera balafirên keşfê ya li herêmên gerîla hat ragihandin ku balafirên şer jî li ser herêma Botanê geriyane.

Navenda Ragihandin û Çapemeniyê ya HPG'ê der barê tevgera artêşa Tirk a li Herêmên Parastinê yên Medyayê û Bakurê Kurdistanê de daxuyaniyek da.

Li gorî vê yekê, di 30'ê Îlonê saet di navbera 19:00 û 23:00 de balafirên şer li ser Avaşînê, heman rojê saet di navbera 14:00 û 15:00, 21:00 û 22:00 de li ser Herêma Botanê geriyane.

Hat ragihandin ku di 1'ê Cotmehê (îro) saet di navbera 01:00 û 06:00 de li Herêma Avaşînê tevgera balafirên şer hatiye jiyîn, di 30'ê Îlonê saet di navbera 20:30 û 00:00 de jî balafirên keşfê yên bêmirov li herêma Zapê geriyane.

Hat diyarkirin ku artêşa Tirk a ji 29'ê Îlonê û vir ve ji Mûşê ber bi navçeya Amed Pasûrê leşkeran vediguhezîne, di 1'ê Cotmehê (îro) saet di 09:30 de bi helîkopterên bi tîpa Skorsky li herêma Şehîd Mizgîn a Bedlîsê keşf kiriye.