Rêxistina BDP’a Şirnexê li dijî çêkirina qereqol, bendav, komkujiya xwezayê , noqteyên lêgerînê û operasyonan dê 8-9’ê Hezîranê bi slogana “Meşa Dirêj” çalakiyekê li darxînin û banga tevlî bûnê kir.

BDP’a Şirnexê têkildarî çalakiya ku dê di bin slogana “Meşa Dirêj” di navbera dîrokên 8-9’ê Hezîranê li dijî çêkirina qereqol, bendav, komkujiya xwezayê, noqteyên lêgerînê û operasyonan bê li darxistin li ber avahiya BDP’a Silopiyê civînek ya çapemeniyê li darxist. Hevserokê BDP’a bajar Hame Aktî, Endama MP’a BDP’ê Rabia Takas û rêveberên BDP’a Şirnex û BDP’a Silopiyê tevlî daxuyaniyê bûn.

Di civînê de Hevserokê BDP’a Bajar Hame Aktî axivî û got: “Di çarçoveya pêvajoya çareseriyê ya ku piştî banga dîrokî ya Rêberê PKK’ê Abdullah Ocalan destpêkir HPG’yî vekişîn, li bajarên herêmê çêkirina qereqol, bendav, komkujiya xwezayê, noqteyên lêgerînê û operasyon bêy ku bi rawestin didomin. Em dê li dijî çemka dewletê ya firsendî a li dijî pêvajoya demokrasî û normalbûyînê pêşxistiye bi çalakiyên demokratîk bersiv bidin. Ji ber vê sedemê 8-9’ê Hezîranê meşek ya binavê ‘Meşa Dirêj’ dê di demjimêr 15:00’an de ji gundê Xabûr 2 yê Qilabanê heta gundê Arûşa bimeşin. Em li bendê ne gelê Botanê bi hemû rengê xwe ve ji Şirnex, navçe û bajarokan em li benda beşdarbûna her kesê ne. Em bang li gelê xwe dikin ku ji bo pêvajo têkneçe di vê mijarê de hişyar bin.”