Serokdewletê heyî Luis Arce di hilbijartinê de nebû namzet. Parçebûna li nava Tevgera Sosyalîzmê (MAS) a li desthilatdariyê, şensê çepgiran lawaz kir. Di anketan de namzetên MAS'ê Andronico Rodriguez ji sedî 5.5, Eduardo del Castillo jî ji sedî 1.5 ê dengan werdigirin.

Di hilbijartinê de du namzetên rastgir li pêş xuya dikin; ji rastgiriya navendî karsaz milyoner Samunel Doria Medina (Ji sedî 21), serokdewletê berê Jorge 'Tuto) Quirga (Ji sedî 20) ê dengan werdigirin.

Li gorî bendewariyan, di tûra duyemîn a 19'ê Cotmehê de du namzet wê werin pêşberî hev. herdu jî soza wê didin ku modela dewletparêziyê ya di dema Evo Morales de hate pêkanîn biterikînin.

Di dema desthilatdariya Morales a salên 206-2019'an de xizanî kêm bûbû, aborî mezin bûbû. Lê belê ji sala 2017'an û pê ve kêmbûna hatineya gaza xwezayî welat xistibû nava krîzê.

Morales ku ji ber dozên lê hatine vekirin li derveyî siyasetê hatiye hiştin, anî ziman ku hilbijartin 'bi fen e' û bang li alîgirên xwe kir ku tevlî dengdanê nebin.

Nêzî 8 milyon hilbijêr wê ne tenê serokê nû û alîkarê wî, her wiha parlamenta ji du baskan jî hilbijêrin. Ev hilbijartin dikare dawî li desthilatdariya çep a 20 salan a li Bolîvyayê bîne.