Li bajarê Celalabad ê Afganîstanê li hember bankayeke ku wezîfedarên gelemperiyê û leşker meaşên xwe jê digirin êrîşeke xwekujî pêk hat, herî kêm 33 kesan jiyana xwe ji dest da.

Di êrîşa xwekujî ya bi motorsîkletekî pêk hat, hat diyarkirin ku piştî teqînê bombeyeke neteqiyaye ji aliyê hêzên ewlekariyê ve hatiye dîtin û tinekirin. Di êrîşa ku zêdetirî 100 kes birîndar jî bûne, di nav miriyan de jin û zarok jî hene. Talîban a wek gumanbara sereke tê dîtin diyar kir ku ti eleqeya wan bi bûyerê re nîne.

Serokkomarê Afganîstanê Eşref Ganî yê têkildarî bûyerê daxuyanî da, bûyer wek, ‘çalakiyeke terorê ya tirsonek û qirêj’ bi nav kir.