Li Şîlî, di dema darbeya leşkerî ya bi desteka CIA ji aliyê General Aûgûsto Pînochet ve di 11'ê Îlona 1973'an de hat kirin de, nava mirovên xwedî nêrîna çep ên hatin girtin û li stadyûmê hatin komkirin de stranbêj, derhênerê şano û endamê Partiya Komunîst Vîctor Jara jî hebû. Dest û zendê Jara ji aliyê îşkencekaran ve hatibûn şikandin, neçar hatibû hiştin ku rûleta Rûs bilîze û bi 44 fîşekan hatibû qetilkirin.

Komîsyona Edalet û Heqîqetê ya Şîlî, da xuyakirin ku di navbera salên 1973-1190'î ya dema dîktatoriya Pînochet de zêdeyî 3 hezar kes hatin qetilkirin, ji van 1000 winda ne. Dadger MÎgûel Vazqûez Plaza ragihand ku der barê revandin û kuştina midûrê berê yê girtîgehê Lîttre Qûîroga Carvajal de li hemberî çend efseran doz hatiye vekirin.