Komîsyona Nirxandina Pêvajoa Çareseriyê ya Meclîsê, piştî biryar da li girtîgehan der heqê girtiyên nexweş de lêkolînan bike, îro çû serdana Girtîgeha Sîncanê ya Enqerê û bi 13 girtiyên nexweş ên rewşa wan girane re hevdîtinan dike. 

Endamê komîsyonê yê BDP'yî Parlamenterê Bêdlisê Husamettîn Zenderlîoglû beriya hevdîtinê agahî da ANF'ê û diyar kir ku yek ji lingê girîngê gavên ên ji bo çareseriya pirsgirêka Kurd, girtîgeh in. Zenderlîoglû da xuyakirin ku şerê 30 salan bandor li ser edaletê jÎ kiriye û pergala huqûqê ketiye bin bandora şer. Zenderlîoglû ragihand ku ew bi xwe jÎ 13 salan li girtîgehê maye û got, "Li gelemperiya cîhanê 35 hezar girtiyên siyasî hene. Zêdeyî nîvê van girtiyan jî li Tirkiyê ne. Ev yek bi xwe rewşa xeter a vê mijarê radixe ber çavan."

Zenderlîoglû destnîşan kir, ku divê şensê Rêberê Gelê Kurd Abdullah Ocalan daye aştiyê baş were nirxandin û got, "Hukûmet ji bo bersivdayîna vê şensê aştiyê, dikare bi sererastkirin û başkirina mercên li girtîgehan û girtiyan destpê bike."

Navê girtiyên nexweş ên Parlamenterê BDP'ê Zenderlîoglû û Parlamenterê AKP'ê Metîner pê re hevdîtinê dikin ev in: Ozkan Kûrt, Hamît Babat, Haci Sîncar, Erol Zavar, Denîz  Yildiz, Kemal Erturk, Zeynel Karabûlût, Adanan Ûysal, Selmani Ozcan, BedrÎ Urun, Abdulsamet Çelîk, Hasan Alkiş û Abdûrrahman Bayhan.