Meclîsa Ciwanên BDP'ê ya Qoserê ku avabûna xwe îlan kir diyar kir ku herî zêde ciwan hedef tên girtin û bang li hemû ciwanan kir da ku di bin banê meclîsa ciwanan de rêxistinbûyîna xwe xurt bikin.

Meclîsa Ciwanên BDP'ê ya Qoserê li avahiya BDP'ê ya Qoserê daxuyanî da û avabûna xwe îlan kir. Berdevkê Meclîsa Ciwanan Mehmet Demîr diyar kir ku ciwan li hemberî pergalê ne û wiha got: "Herî zêde ciwan bi êrîşên pergalê yên 'bêwatekirin', 'bê hîskirin'ê re rû bi rû dimînin. Ji ber ku ciwanên ku ji wate û hissiyata xwe dûr ketine ji esasê xwe dûr ketine." Demîr bang li ciwanên welatparêz, demokrat û sosyalîst kir da ku di bin banê Meclîsa Ciwanan de têkoşîna xwe bidomînin û tevlî xebatên Meclîsa Ciwanan bibin.