Piştî ku hat bihîstin li zozanê Şîrît yê navçeya Şirnex Qilabanê di navbera leşker û gerîlayên HPG'ê de şer derketiye, gel herikî herêma şer.

Hat ragihandin îro danê sibê li zozanê Şîrît yê nêzî gundê Roboskî, di navbera leşkerên Tirk û gerîlayên HPG'ê yên vedikişiyan de şer derketiye.

Bi bihîstina şer re, Komîsyona Şopandinê ya Şirnexê, nûnerên rêxistinên BDP'ê yên bajar û navçeyan, aktîvîstên DOKH û Dayikên Aştiyê bi sedan kes, ber bi herêma şer ve bi rê ketin. Hat ragihand ku girseya gel gihaştine nuqteya sînor a mayinkirî.

Girseya gel a ji Roboskî, ji bo careke din şer rû nede, bedena xwe kirin mertal û sînor girtin.

Nêzî 600 kesên di nav de jin jî hene, li ser sînor kamp çê kirin û agir dadan.

Girseya gel li 15 nuqteyên cûda agir dadan û ji bo şer dernekeve, wê heta sibê nobetê bigirin.

Gel dibêje heta leşker ji herêma şer vekişe, ewê çalakiya xwe dewam bike û ji herêmê dernekeve.

Hat ragihandin, ku gerîla, girseya gel û leşker, 200 metre li nêzî sînor in.