Li aliyekê hejmara kesên di erdheja roja 25’ê Nîsanê li Nepalê pêk hat de jiyana xwe ji dest dan zêde dibe, li aliyekî din jî ji erdheja sala 2004 pêk hat û rê li ber Tsunamiyê vekir, ve 12 erdhejên mezin pêk hatin û zêdetirî 600 hezar kesî jiyana xwe ji dest dan.

Di erdhejan de hêmanên sereke yên dibin sedema mirinê zêde tundiya erdhejê, zêdebûna şêniyê, saet û binesazî ne.

Erdhejên mezin ên ku ji 2004 ve pêk hatin ev in:

23'yê Kanûna 2004 Okyanûsa Hindê:

Erdheja bi hêzz 9.3 li peravên girava Sûmatra ya Endonezyayê pêk hat û bû sedem ku li welatên başûrê Asyayê Tsunamî rabe û di encamê de 170 hezar kes jê li Endonezyayê, 220 hezar kesên din jî li 10 welatên din ên Asyayê jiyana xwe ji det dan.

8 Cotmeh 2005- Pakîstan/Hindistan:

Li Herêma Kaşmîrê di encama erdheja pêk hat de 73 jê li Pakîstanê 75 hezar kes jiyana xwe ji dest dan.

27 Gulan 2006-Endonezya:

Li herêma Yogyakarta ya Girava Java erdhejek pêk hat di encamê de nêzî 60 hezar kes mirin, 1,5 milyon kes bê xanî man.

15 Tebax 2007-Perû:

Di erdheja bi pêla 7.7 li başûrê welêt û paytext Lîmayê xist de 900 kesî jiyana xwe ji dest dan û 320 kes bê mal û xanî bûn.

12 Gulan 2008-Çîn:

Li parêzgeha Sichuan a dikeve rojavayê başûrê welêt di erdheja bi hêza 8 de nêzî 87 hezar kes mirin. Ev erdhej weke erdheja herî kujer a 32 salan ket dîroka Çînê.

30 Îlon 2009-Endonezya:

Li rojavayê Girava Sûmatra  û bi taybet jî perava Padangê erdhejek bi hêza 7.6 pêk hat û di encamê de zêdetirî 1.100 kes jiyana xwe ji dest dan, nêzî nîv milyon kes bê mal û xanî man.

12 Çile 2010-Haîtî:

Di erdheja bi hêza 7 li beşa mezin a Port-au-Prince ya paytexta welêt pêk hat de zêdetirî 200 hezar kes mirin. Zêdetirê nîv milyon kes bê xanî man.

27 Sibat 2010-Şîlî:

Di erdheja li bajarê Maule û navenda başûrê welêt xist de zêdetirê 520 kesî jiyana xwe ji dest dan.

14 Nîsan 2010-Çîn:

Li herêma Qinghai ya dikeve rojavayê bakûrê welêt erdheja bi hêza 6.9 pêk hat û di encamê de 3 hezar kes mirin.

11 Adar 2011-Japonya:

Li herêma Tohoku ya dikeve rojhilatê bakurê welêt erdhejek bi hêza 9 pêk hat û di encamê de tsunamî rabû û 19 hezar kes mirin. Ev erdhej bû sedema karesata mezin a santrala nukeelerê ya Fukuşîma.

23 cotmeh 2011- Bakurê Kurdistanê:

Li herêma Wanê ya Bakurê Kurdistanê erdhejek bi hêza 7.2 pêk hat, zêdetirî  600 kes jiyana xwe ji dest dan, 4.150 kes birîndar bûn.

3 Tebax 2014-Çîn:

Li herêma Yûnnan a çiyayî erdhejek bi hêza 6.1 pêk hat û di encam de 600 kes mirin, 2400 kes birîndar bûn, 80 hezar xanî hilweşiyan.