Hêzên Parastina Gel (HPG) da xuyakirin ku di çarçoveya meşa çareseriya demokratîk a 8'ê Gulanê destpê kir de, koma nû ya gerîla xwe gihandiye Herêmên Parastinê yên Medyayê.

Navenda Ragihandin û Çapemeniyê ya HPG'ê (NRÇ-HPG) der heqê mijarê de daxuyaniye da û diyar kir ku koma gihaştiye Herêmên Parastinê yên Medyayê, ji herêma Botanê hatiye. Di daxuyaniyê de hat gotin, "Li ser bingeha biryara me ya 8'ê Gulanê, di çarçoveya meşa pêngava "Rizgariya Demokratîk û Jiyana Azad" de, di 1'ê Hezîranê de koma me ya nû ji herêma Botanê gihaştiye Herêmên Parastinê yên Medyayê."