Navenda Yekîtiya Hiqûqnasên Kurd li Rojavayê Kurdistanê bi armanca şermezarkina êrîşên komên çekdarê ên Artêşa Azad ser navçeya Şêrawa ya Efrînê û girtina deriyê di navbera başûr û rojavayê Kurdisanê daxuyaniyek weşand. Di daxuyaniyê de bang li rêxistinên mirovî, sazî û dezgehên mirovî hate kirin ku mudaxele bikin da ku ambargoya li ser herêma Efrînê bidawî bikin.

Di daxuyaniyê de hate gotin ku, Sûriyeyê di rewşeke hesas re derbas dibe û encamên vê rewşê li herêmê bi giştî kiriye, gelek nakokiyên hundirîn, herêmî û navnetewî di hundirê welat de derketiye. Di daxuyaniyê de hate destnîşan kirin ku, ji ber van nakokiyan gelek guhertin di nava helwestan de derket û hêzên muxalefetê ku nikarin li ser zemîn, fkira û rêveberiya demokratîk bisekine.

Di berdewama daxuyaniyê de hate gotin ku, kesên ji ber pevçûnên li Sûriyeyê ziyan dîtine sivîlin û wiha hate gotin: “Şerê di navber hêzên rêjîma Baas û çekdarên Artêşa Azad de, gelek ziyan û wêranî li welat çêkir. Herî zê de weltiyên sivîl, zarok û kesên bê guneh ziyan dîtin û bûn qurbaniyên van pevçûnan. Bûyerên tundî,revandin û wêraniya li Sûriyeyê gihişte herêmên kurdî ên bi ewle. Ambargoya niha li ser gund û bajarên Rojavayê Kurdistanê û girtina deriyê di navber Rojava û Başûrê Kurdistanê herêmên rojava bi giştî kete nava çemberê de.᾿̓

Navenda Yekîtiya Hiqûqnasên Kurd li Rojavayê Kurdistanêdi daxuyaniya xwe de da zanîn ku, rewşa zêdetir ji 700 girtiyên sivîl ku ji aliyê çekdarên Artêşa Azad  ve hatine revandin pir xirabe û rastî tundî û îşkenceyê tên. Di daxuyaniyê de êrîşên komên çekdar ser navçeya Şêrawa ya Efrînê hatin şermezar kirin û ev tişt hate gotin: “Em wek Hiqûqnasên Kurd van êrîşên Artêşa Azad ser herêmên me yên aram û bitaybet Efrînê şermezar dikin”

Di dawiya daxuyaniyê deYekîtiya Hiqûqnasên Kurd li Rojavayê Kurdistanêbang li rêxistin, sazî û dezgehêm navetewî yên mafê mirova, saziyên hiqûqî û hemû kesên demokratîk û aştî xwaz li hundir û derveyî welat kir da ku helwesta dijî êrîşên dijmirovî yên ser herêma Efrîn û çemberkirina herêmê nîşan bikin.