Bi armanca şermezarkirina biryara Danîmarkayê ya girtina televîzyonên Kurd, li bajarê Elmanya Freiburgê meşek hat lidarxistin. Di meşê de bal hat kişandin se rewşa tenduistiyê û mercên girtîgehê yên Rêberê Gelê Kurd Abdullah Ocalan.

Meşa duh a li bajarê Freiburgê bi beşdariya 300 Kurdistaniyan pêk hat. Di meşê de tedbîrên tund ên polîsan bal kişand. Di belavoka hat xwendin de biryara Danîmarkayê ya girtina ROJ TV, NÛÇE TV û MMC hat şermezarkirin û hat xwestin, biryar tavilê bê betalkirin.

Di meşê de bal hat kişandin ser mercên girtîgehê û rewşa tenduristiyê ya Rêberê Gelê Kurd Abdullah Ocalan û ji bo azadiya Ocalan îmze hatin berhevkirin.

Di meşê de bi dehan îmze hatin berhevkirin û çalakî bi dirûşmên "Bê Serok Jiyan Nabe" û "Bijî Serok Apo" bi dawî bû.