Wezîrên karên derve yên welatên G7’ê ku li herêma Niagara ya Kanadayê civiyan bi daxuyaniyek hevpar, gotin ku ew piştgirî didin plana Serokê Emerîkayê Donald Trump ê ji bo bi dawîkirina şerê li Xezeyê.
Wezîran diyar kirin ku ew agirbesta berdewam û serbestberdana dîlgirtiyan bi kêfxweşî pêşwazî dikin. Wezîran, behsa lezgîniya vegerandina cenazeyên dîlgirtiyên mirî kirin. Her wiha diyar kirin ku ew alîkariya mirovî ya ji bo Xezeyê tên şandin erênî dibînin û gotin ku divê astengiyên li pêşiya xwegihandina alîkariyê bê rakirin.
Her wiha wan bal kişand ser bernameya nukleerî ya Îranê û diyar kirin ku divê Tehran li gorî peymanên navneteweyî tevbigere û bi tevahî bi IAEA re hevkariyê bike.
