Piştî teqîna mezin ya li taxa Huzeyran ku zêdetir li 75 kes jiyana xwe ji dest dabûn, îro di serê sibê de li taxa Wasîtî ya bajêr teqînekî din çêbû û 12 kes birîndar bûn.

Li gorî agahiyên ku ji herêmê hatine girtin, îro serê sibehê li taxa Wasîtî ya bajarê Kerkûk otomobîlek bombekirî teqiya û di encama teqînê de 5 jê sivîl û 7 polîs bigiştî 12 kes birîndar bûn.

Her wiha jî hate diyarkirin ku, otomobîla hatî bombekirin li tenişt cadeya mezin ya taxê hatibû bicih kirin û dema ku maşîneya polîsan ya dewriyeyê derbazbû teqîn pêkhat.