Di rûniştina doza Serêkaniyê ya "KCK"ê de ku 2 jê girtî 14 kes dihatin darizandin, yek jê hat berdan û li 13 kesan her yek ji wan 6 sal û 3 meh cezayê girtîgehê hat birrîn. 

Rûniştina biryarê ya doza Serêkaniyê ya "KCK"ê, ku tê de 2 jê girtî 14 kes dihatin darizandin, di 5'ê Tîrmehê de li 9. Dadgeha Cezayê Giran a Amedê hat dîtin. 

Di rûniştina dozê de, ji rêvebirê BDP'a Serêkaniyê Cemîl Tuncer û Abdulbakî Can, cîgirê berê ya şaredarê Serêkaniyê Ahmet Dagtekîn, endamên meclisa şaredariyê Adîle Denîz Surer, Abdulhalîm Dayan, M. Emîn Polat, Hasan Karaoglan, rêvebirê MEYADER'a Serêkaniyê Îbrahîm Avci, Ecevît Yavuz û endamê meclisa bajar ya giştî Îbrahîm Ogur, Abdurrahîm Demîr û rêveberê BDP'a navçeyê Suphî Zengîn û Nurullah Akan re ji îdiaya endamên rêxistinê ne 6 sal û 3 meh ceza hat birîn. Rêvebirê BDP'a Serêkaniyê Halîl Şahîn jî beraet bû.

Endamê meclîsa Şaredariyê Hasan Karaoglan ku bêyî girtin tê darizandin û 6 sal û 3 meh ceza girt nerazîbûn nîşanî biryarê da û got: "Wekî hemû dozên KCK'ê yên din, di vê dozê de jî biryara siyasî hatiye dayîn. Hemû tiştên ku di îdianameyê de cih digirin xebatên legal yên partiyê û xebatên şaredariyê ne. Em dixwazin baweriya xwe bînin ku ev biryar ji aliyê mehkemeya jor ve bê sererastkirin. Em ê heta dawiyê pêvajoya hiqûqî bişopînin."